En-dro d'ar bajenn degemer...

Kannig & doareioù
  Kartenn al lec'hiad
  Monet e darempred genin

Servijoù
  Enklask
  Stummiñ
  Aliañ
  Produiñ

Piv on ?
  Stummadur
  Oberoù & embannadennoù
  Raktresoù & c'hoantoù
  Daveoù
  Kenlabourerion

Yezhoù labour

Mediaioù

Liammoù

Kannig & doareioù

Lakait hoc'h anv c'hoazh evit ar stummadur àr ar jubenniñ !

Doareioù

11 a viz Mae 2016 : ur rummad kentelioù àr an troiñ teknikel pe « bragmatek » a gannigin ar ble-mañ c'hoazh er staj KEAV, e Kastellin. Sellit doc'h palioù, danvez ha programm ar sizhuniad amañ.

21 a viz Meurzh 2016 : pedet on bet da roiñ ur bredegenn en Ardeven (Mor-Bihan) get AFC du Pays Vénète. Er sal Bocage, da 6 e d'enderw-noz, ha komz a rin enni a liested rannyezhoù ar brezhoneg, hag a zo àr un dro ur skoilh da dud zo adperc'henniñ ar brezhoneg ha mammenn ur binvigezh bras. Ac'hann an titl « Deskiñ ar brezhoneg : puzzle pe klask trezol ? ». Amañ ema ar follenn vrudiñ savet d'ar gevredigezh.

9 a viz Meurzh 2016 : prest eo programm an devezh-studi aozet da dTi Douar Alre ha Kerlenn Sten Kidna d'an 19 a viz Meurzh 2016, àr dem ar liwoù. Gellet a rit er pellgargiñ amañ. Diwallit : chañjet eo bet ar lec'h.

24 a viz C'hwevrer 2016 : paseet mat e oa bet devezh-studi KEAV e Amzer Nevez (Plañvour). Ennoñ em boa kanniget ur renabl a « deskadoù yezh », da lâret eo geriadurioù ha yezhadurioù. C'hwi a c'hello er lenn iwe é klikiñ amañ.

26 a viz Genver 2016 : setu bruderezh KEAV evit o devezh-studi er greizenn Amzer Nevez (Plañvour). Pellgargit ar PDF amañ.

4 a viz Genver 2016 : blead mat deoc'h ! Ra vo leun a livoù, a levenez ha, perak pas, a yezhoù hag a sevenadurioù !

7 a viz an Azvent 2015 : setu ur galv nevez da breg a-berzh Ti Douar Alre ha Kerlenn Sten Kidna evit an devezh-studi ag an 19 a viz Meurzh 2016 àr dem ar livoù. Razh an titouroù a gaver e lec'hiadoù an div gevredigezh-se.

21 a viz Evenig 2015 : achu eo ar staj KEAV, start en deus labouret ar strollad « troiñ » ha talvoudus eo bet kavet ar labour gete. Lennit ar pezh a oa bet graet amañ.

21 a viz Evenig 2015 : hirivaet eo bet fichennoù an aozadurioù 'mea labouret gete en-dro ar ble-mañ c'hoazh, ISFEC, Ofis publik ar brezhoneg ha Skol an Emsav en o mesk. Sellit doc'h ar bajenn Daveoù.

4 a viz Evenig 2015 : me a graet ma fredegenn gentañ e katalaneg, e-kerzh un devezh-studi aozet e Barcelona ha danvez zo d'em soñjal àr ar mem danvez evit Breizh, da lâret eo penaos desachiñ an dud hag ar bolitikerion da vout kelaouet àr an troiñ, an deskiñ yezhoù, ar liesyezhegezh… Unan ag ar fesonioù d'ober a vehe ma vehe pedet ar skianterion ampart àr an tachennoù-se da gomz d'ar bolitikerion, d'ar skolaerion, d'ar c'hevredigezhioù ha razh. Soñjit 'ta er sort kendivizoù, aozit gi, e stumm taolioù-krenn ma anavit meur a skiantour da bediñ, komzit ag ar soñj-se en-dro deoc'h, en an aozadurioù a gemerit perzh enne…

Gwelet an dielloù

Kannig

Afer 'peus a ouiet muioc'h a-ziàr an anv Tro ha Distro ?

Danvez nevez e-skoaz peurrest ar lec'hiad, peotramant troetoc'h d'ar brezhoneg, a ginnigan deoc'h amañ, kar troiñ a c'hell bout roiñ an danvez a faot d'ar lennerion, ha n'eo ket forset-mat an destenn orin mard int kap d'he lenn àr-eeun. Se zo kaoz e kavoc'h ur bajenn a-ziàr ar pezh 'm eus c'hoant d'ober e brezhoneg e-lec'h ar bajenn « Expérience ». Ar bajenn « Daveoù » a renablo an troidigezhioù e brezhoneg am eus graet hepken. Ma faot deoc'h gouiet hiroc'h àr labourioù arall, kit da lenn ar bajenn e galleg... pe e yezhoù arall, hrevez ho plijadur !

Korfigelloù merdeiñ

Lizherennoù na gomprenit ket pe gerioù a seblant bout gwenedeg anezhe ? Kasit biz ho logodenn àrnezhe... ken aes ha tra !

Ar lec'hiad-mañ a ra get ar yezh JavaScript. Evit gelliñ heuliiñ liammoù zo, gwelet mat ar vandenn e lein ar pajennoù, implij boutonioù serriñ ar fenestri, kas posteloù ha donet en-dro d'ar bajenn degemer, e vo ret deoc'h aotreiñ endalc'had oberiant ar pajennoù.

 Copyright  04/2004  Tro ha Distro